Aktualitet dhe Lajme

Vrasja e 39-vjeçarit shqiptar në Itali/ Zbardhen detaje të reja nga krimi i rëndë

Share

Detaje të reja kanë dalë në dritë, lidhur me vrasjen e 39-vjeçarit shqiptar Bledar Dedja në Itali, ku dyshohet është vrarë si pasojë e një krimi pasioni.

Këtë të mërkurë, mediat italiane kanë publikuar rezultatet e autopsisë, që vërtetojnë dyshimet se shqiptari humbi jetën si pasojë e një goditje të marrë në mushkëri, goditje që i erdhi nga pas.

Dedja u godit mbi 20 herë me thikë mbrëmjen e së shtunës.

Kjo është edhe nata kur ndërroi jetë, e konfirmuar tashmë edhe nga ekspertiza mjeko-ligjore.

Ai u gjet i pajetë mëngjesin e së dielës në një pyll të Paderno del Grappa, në Asolo të Treviso-s.

Nga rezultatet e autopsisë konfirmohen disa detaje: Pjesa më e madhe e plagëve u shkaktuan gjatë tentativës së 39-vjeçarit për t’u vetëmbrojtur.

Pikërisht fakti se pjesa më e madhe e plagëve janë sipërfaqësore, për hetuesit janë tregues se autor i krimit ka qenë një person i vetëm dhe shanset që të ketë qenë një person i dytë janë të pakta, pasi do të kishte ndërhyrë në mënyrë që ta neutralizonte.

Sa i përket armës së krimit, ajo është një thikë e përmasave të mëdha.




Huazuar nga Albeu.com

Një kafe nga ju!

Artikuj të ngjashëm

Back to top button