Aktualitet dhe Lajme

TURQI/ Nis debati në Asamblenë Kombëtare për anëtarësimin e Suedisë në NATO

Share

Asambleja Kombëtare e Turqisë filloi të martën pasdite debatin për pranimin e Suedisë në aleancën ushtarake të NATO-s.

Sipas një zyrtari të cituar dje nga Bloomberg, partia AKP e presidentit turk Rexhep Tajip Erdogan, e cila mban shumicën në parlament së bashku me aleatin e saj nacionalist, do të kërkojë miratimin parlamentar për të ratifikuar kërkesën e Suedisë.

Suedia shpalli në maj 2022, në vazhdën e pushtimit rus të Ukrainës, kandidaturën e saj për t’u anëtarësuar në NATO, në të njëjtën kohë me Finlandën, e cila në prill u bë anëtarja e 31-të e aleancës Atlantike.

Për të plotësuar kërkesat e Ankarasë, Suedia, nga ana e saj, amendoi kushtetutën e saj dhe miratoi një ligj të ri kundër terrorizmit, pasi Ankaraja akuzoi Stokholmin se strehoi luftëtarët kurdë që ishin strehuar në tokën e saj, disa prej të cilëve konsiderohen terroristë nga Turqia.

Turqia dhe Hungaria janë të vetmet vende që nuk e kanë ratifikuar ende kërkesën e Suedisë për anëtarësim në Aleancë.

Aleati kryesor i Presidentit Recep Tayyip Erdogan, Devlet Bakhceli, i cili ndihmoi kreun e shtetit të fitonte shumicën në Asamblenë Kombëtare në zgjedhjet e fundit, ka siguruar se deputetët e tij do të votojnë për anëtarësimin e Suedisë, duke parashikuar një rezultat të favorshëm.

Nëse miratohet nga Plenari i Asamblesë Kombëtare, protokolli pritet të marrë nënshkrimin përfundimtar nga presidenti Recep Tayip Erdogan./albeu.com




Huazuar nga Albeu.com

Një kafe nga ju!

Back to top button