Ministri i Mbrojtjes i Kosovës: Në rast lufte 8,000 ushtarë nuk mjaftojnë, duhet të angazhohen edhe qytetarët

Ejup Maqedonci, ministër i Mbrojtjes, është i ftuar në emisionin “Pressing” të T7, të martën.

Ai ka deklaruar se Serbia ka 48 baza armiqësore në kufi me Kosovën.

Në rast të ndonjë lufte, Maqedonci thotë se vetëm ushtarakët nuk mjaftojnë, shton se duhet edhe angazhimi i qytetarëve.

“Në rast lufte ne kemi 5 mijë plus 3 mijë që nuk është i mjaftueshëm. Ne gjithmonë jemi të vetëdijshëm që duhet edhe angazhimi i gjithë qytetarëve për atë dhe ne po punojmë”.

“Gjithmonë duhet të përgatitemi për luftë, në rast se duam ta shmangim luftën”, ka deklaruar ai. /Gazeta Express