Aktualitet dhe Lajme

Greqi/ 25-vjeçari alarmon policinë, njofton në rrjetet sociale se do vrasë veten

Share

Në orët e para të mëngjesit të sotëm, një 25-vjeçar në Greqi, ka alarmuar policinë, teksa i riu kishte njoftuar në rrjetin social “Instagram” se do të vriste veten.

Një mik i tij pa postimin e tij dhe lajmëroi menjëherë policinë, duke iu shpjeguar  gjithë situatën.

Punonjësi i policisë në detyrë, pasi ka parë postimin ka gjetur detajet e 25-vjeçarit, e ka telefonuar duke sinjalizuar edhe efektivët e uniformuar në patrullë.

Mediat greke, shkruajnë se 25-vjeçari iu përgjigj thirrjes së tij dhe dukej në një gjendje konfuzioni dhe dëshpërimi.

Polici e kapi bisedën dhe e gjeti duke ecur në qendër të qytetit.

Pasi e kuptoi se ku ndodhej i riu, lajmëroi policët që ishin në patrullë.

Gjysmë ore më vonë, 25-vjeçari u gjet dhe u shoqërua nga efektivët e policisë, ku aktualisht ai po trajtohet në një klinikë psikologjike.




Huazuar nga Albeu.com

Një kafe nga ju!

Back to top button