Universiteti Western Balkans akreditohet me vlerësimin maksimal 6-vjeçar nga ASCAL
Agjencia e Sigurimit të Cilësisë në Arsimin e Lartë ASCAL me vendim Nr. 75, datë 19.04.2024, ka vendosur akreditimin institucional për Universitetin “Western Balkans”, me vlerësimin maksimal për 6 vite.
Universiteti Western Balkans ka sjellë një model të ri në arsimin e lartë në Shqipëri, duke integruar teorinë me praktikën dhe duke i integruar studentët me tregun e punës duke nisur nga vitet e studimit.
WBU është ngritur si një universitet i gjeneratës së katërt, me vizionin për të patur një ndikim pozitiv transformues në shoqëri dhe zhvillimin e qëndrueshëm të vendeve nëpërmjet ekselencës dhe inovacionit të vazhdueshëm në kërkim shkencor, arsim, kujdes shëndetësor, kreativitet dhe sipërmarrje.
Me profil ndërkombëtar dhe me programe studimi nga më të kërkuarat në tregun global të punës në fushat e mjekësisë ekonomisë, teknologjisë dhe inovacionit, Universiteti Western Balkans synon të promovojë zhvillimin e qëndrueshëm, duke nxitur progres, mirëqenie dhe inovacion në të gjitha fushat, në Ballkanin Perëndimor dhe më gjerë.
