Nën masën “arrest shtëpie”, biznesmeni Elman Abule paraqitet në SPAK

Pasi u lirua nga Apeli i GJKKO-së nga izolimi në qeli në “arrest shtëpie”, biznesmeni i arrestuar me kryebashkiakun e Tiranës Erion Veliaj, Elman Abule, është paraqitur këtë të mërkurë në ambientet e Prokurorisë së Posaçme.

Mësohet se paraqitja e tij në SPAK, ka të bëjë me marrjen në pyetje si person nën hetim.

Më herët, është pyetur në cilësinë e personit që ka dijeni

Abules, që akuzohet për pastrim parash, iu zbut masa nga arrest në burg në arrest shtëpiak nga gjyqtari Engert Pëllumbi, për shkak të rrethanave familjare.