Aktualitet dhe Lajme

Mbante kanabis sativa në konvikt për ta shitur, arrestohet adoleshentja në Gjirokastër

Share

Një adoleshente është arrestuar nga policia e Gjirokastrës pasi në dhomën e konviktit ku ishte akomoduar mbante lëndë narkotike cannabis sativa në trajtë çokollate, me qëllim shitjen në ambientet e konviktit.

“Shërbimet e Policisë kryen kontrolle në ambientet e konviktit ku ishte akomoduar 17-vjeçarja, ku gjetën një sasi lënde narkotike cannabis sativa në trajtë çokollate, që posedohej nga kjo shtetase me qëllim shitjen në ambientet e konviktit dhe në ato të gjimnazit ku ishte nxënëse. Në vijim, lënda narkotike u sekuestrua nga shërbimet, në cilësinë e provës materiale, së bashku me 3 celularë”, thuhet në njoftimin zyrtar.

Veprimet procedurale me të miturën po kryhen në praninë e prindit, psikologut dhe mbrojtësit ligjor.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.




Huazuar nga Albeu.com

Një kafe nga ju!

Artikuj të ngjashëm

Back to top button