Nis puna për rikonstruksion, asfaltim dhe përmirësim të rrugës Fushë Lurë – Arras

Ky eshte nje investim strategjik infrastrukturor i shumepritur dhe tepër i rëndësishëm, i cili eshte financuar nga BERZH dhe Qeveria Shqiptare nëpërmjet FSHZH-së në kuadër të Programit për Zhvillimin e Turizmit dhe Infrastrukturës në Shqipëri, në përfundim të tij, do të çlirojë lëvizjen e qarkullimin në këto fshatra, do të ndryshojë e përmirësojë katërcipërisht aksesin drejt potencialeve të jashtëzakonshme turistike të #Lurës e më gjerë, si dhe do krijojë mundësi të shumta për zhvillimin ekonomik-social të këtyre zonave.

Ishin sot te pranishem në #Arras, kryetari i Bashkisë Dibër, Rahim Spahiu së bashku me deputetin e qarkut, Lavdrim Krrashi gjatë inspektimit të punimeve që po kryhen për objektin “Rikonstruksion, asfaltim dhe përmirësim i rrugës Perlat-Fushë Lurë dhe i segmentit Fushë Lurë-Arras në rajonin e Lezhës dhe Dibrës”, ku puna vijon me intensitet dhe kapacitet të plotë në të dyja anët e saj.