Zjarr brenda hotelit në Shkodër, evakuohen klientët, detajet e para

Një zjarr ka rënë në godinën e një hoteli në Shkodër mbrëmjen e sotme, pranë qendrës së qytetit.

Një shkëndijë elektrike ka përfshirë panelin elektrik të hotelit.

Raportohet se forcat zjarrfikëse të qytetit kanë ndërhyre menjëherë duke bërë të mundur shuarjen e flakëve.

Sakaq, mësohet se për pasojë nuk ka pasur dëme të mëdha materiale përveç panelit elektrik, ndërsa të gjithë personat brenda godinës janë evakuuar.

Njoftimi i policisë:

Shkodër/Informacion paraprak

Rreth orës 21:15, në katin e dytë të hotel “Rozafa”, ka rënë zjarr, dyshohet si pasojë e një shkëndije elektrike.

Zjarrfikësit kanë bërë të mundur shuarjen e plotë të flakëve, nga të cilat janë shkaktuar vetëm dëme materiale.

Grupi hetimor, në drejtimin e Prokurorisë, po punon për zbardhjen e plotë të shkakut të rënies së zjarrit dhe për sqarimin e rrethanave të rastit.