Vlerat e virtytit në Dibër “Histori e vërtetë”

Një burri në fshat i vdiq djali i vetëm. Ia vrau rrufeja në mal, tek po ruante bagëtinë. Gjama ishte e madhe e nuk kishte kush me ia tregue të atit.

Një plak i mençëm tha se do të ja tregonte ai.

I shkoi në shtëpi e i thirri:

– Or filani, a je në shtëpi?

– Hajde bujrum, – u përgjigj i zoti i shtëpisë.

-Kam ardhë me të pa se më kanë thanë se ke qanë sëmurë.

– Sëmurë kam qanë, po tani jam ma mirë. 1

-Të kam pru një mollë, se tani në pranverë nuk ka kurrkund. – Eu bre, ku e gjete këtë mollë se bash më kishte shkue

mendja.

-E kisha ruajt për ditë të vështira.

– Po e di ç’ke, ti ma kthe mollën, se u bana pishman.

-Eu bre, si qenka kjo punë, një herë ma dhe, e një herë ma more.

– Kshtu asht kjo jetë. Kishe një mollë, tashti s’e ke.

– Më kanë thanë se ke një djalë.

– Po, e kam çue me bagëti në mal.

-Zoti ta dha djalin, or filani, e zoti ta muar. Mbahu se djalin ta vrau rrufeja. Banu burrë se kjo të ka gjetë.