Aktualitet dhe Lajme

Tragjike, varka përplaset me gurët, dy të vdekur dhe një i zhdukur

Share

Mbrëmjen e djeshme, një ngjarje e rëndë ka ndodhur në zonën e Palios në Mandamado Lesvos në Greqi, ku dy emigrantë të vdekur u gjetën nga një anije e Frontex, e cila ishte kishte marrë informacion për një varkë që ndodhej në atë zonë, pavarësisht erërave të stuhishme veriore që po frynin.

Sipas autoritetit portual, “varka kishte mbërritur në bregdet dhe personat që ndodheshin në të po përpiqeshin të iknin në një zonë malore”.

Menjëherë është njoftuar Drejtoria e Policisë së Lesvos dhe në orët para të  mëngjesit të sotëm, janë lokalizuar gjithsej pesëdhjetë e shtatë të huaj në zonën malore të Lesvosit të Vjetër, si dhe dy trupa pranë bregdetit.

Në vendngjarje kanë shkuar zyrtarë të Sigurisë së Autoritetit Portual, ndërsa janë vënë në dijeni edhe EKAV-i dhe Zjarrfikësja e Mytilene.

Të huajt janë transferuar në një zonë të sigurt, ndërsa dy trupat janë transferuar në Mjekësinë Ligjore të Spitalit të Përgjithshëm të Mitilinës për kryerjen e autopsisë.

Sipas njërit prej të mbijetuarve, një nga pasagjerët ra në det kur anija u përplas në bregun shkëmbor dhe që atëherë është zhdukur.

Një hetim paraprak po kryhet nga Autoriteti Portual Qendror i Mitilinës.

Hetimet po vazhdojnë.




Huazuar nga Albeu.com

Një kafe nga ju!

Back to top button