Projekt idea “Rruga “Lidhja e Prizrenit” dhe qyteti i ri “Gjergj Kastrioti”
Rruga “Lidhja e Prizrenit” dhe Qyteti i ri “Gjergj Kastrioti” – Një vizion për Dibrën e së nesërmes
Projekti “Rruga Lidhja e Prizrenit” është një nismë madhore zhvillimore që synon të lidhë Dibrën me Kosovën përmes një rruge moderne që ndjek aksin Peshkopi – Kukës – Prizren. Ajo konsiderohet një arterie e re për qarkullimin e mallrave, njerëzve dhe ideve, duke hapur horizont të ri ekonomik dhe turistik për të gjithë rajonin verilindor të Shqipërisë.
Në këtë kuadër, një komponent i rëndësishëm i projektit është krijimi i qytetit të ri “Gjergj Kastrioti”, i cili parashikohet të ndërtohet në territorin e Dibrës në rast të realizimit të hidrocentralit të Skavicës.
Ky qytet nuk është një qendër turistike, por një qytet funksional dhe i planifikuar me standarde moderne, që do të shërbejë si vendbanim i ri për familjet që do të duhet të zhvendosen për shkak të krijimit të liqenit artificial nga diga e Skavicës. Me një infrastrukturë urbane tërësisht të re, ai do të përfshijë: banesa të ndërtuara sipas standardeve bashkëkohore, shkolla, qendra shëndetësore, zona ekonomike, institucione publike dhe hapësira për zhvillim të bizneseve familjare.
Emërtimi “Gjergj Kastrioti” i jep qytetit një identitet simbolik, turistik dhe historik, duke u kthyer në një qendër të re që nderon figurën e heroit kombëtar dhe i jep banorëve të zhvendosur një ndjesi të fortë përkatësie dhe dinjiteti.
Rruga “Lidhja e Prizrenit”, që kalon pranë këtij qyteti të ri, do ta integrojë atë në rrjetin kombëtar dhe ndërkombëtar të qarkullimit, duke i garantuar lidhje të shpejtë me Kukësin, Prizrenin, Dibrën dhe më gjerë.
Ky projekt, që kombinon ndërtimin e infrastrukturës rrugore me strehimin social dhe zhvillimin rajonal, është një mundësi historike për Dibrën që të hyjë në një epokë të re të zhvillimit të qëndrueshëm dhe gjithëpërfshirës.
Shënim: Ky projekt është konceptuar dhe propozuar nga Shoqata Rajonale për Zhvillim dhe Kulturë “Nisma për Dibrën”
📍 Dibër, Shqipëri.
