Ndryshimi i Statutit/ Lulzim Basha merr edhe postin e kreut të Grupit Parlamentar të PD! Kryetari do t’i ketë të dy funksionet!

Zbardhen propozimet e statutit të Partisë Demokratike që pritet miratohen sot në Kuvendin Kombëtar të PD-së.

Një ndër propozimet që pritet të miratohet nga PD e Lulzim Bashës, është ai që ndryshon postin e kryetarit të Grupit Parlamentar të PD-së. Pas perplasjeve te forta me Gazment Bardhin, duket se perkrahesit e Bashes kane gjetur menyren se si ta largojne ate perfundimisht nga funksionet partiake.

Sipas ndryshimit të ri, në periudhen që PD është parti opozitare, kryetari i Partisë, ne kete rast Lulzim Basha, do të jetë njëherësh edhe kryetar i Grupit Parlamentar.

“Kur PDSH nuk është shumicë qeverisëse, Kryetari i Partisë është edhe Kryetar i Grupit Parlamentar. Kryetari i Partisë, me autorizim të tij, mund të caktojë një prej Nënkryetarëve të Partisë për të drejtuar Grupin Parlamentar”, thuhet ne statutin qe pritet e miratohet sot.

Ndersa ne nenin 48 theksohet se kur PD do te jete nje parti ne qeverisje ky funksion do ti nenshtrohet votimit te fshehte dhe kandidati do te propozohet nga kryetari i PD-se.

Në nenin 48, parashikohet dhe mundësia e delegimit të këtij posti, por gjithmonë me pëlqimin e kryetarit të Partisë Demokratike.

NENI 48

GRUPI PARLAMENTAR I PARTISË

1) Grupi Parlamentar i PDSH-së përbëhet nga deputetët e saj në Kuvendin e Shqipërisë.

2) Kur PDSH është shumicë qeverisëse, Kryetari i Grupit Parlamentar zgjidhet me propozim të Kryetarit të Partisë nga Këshilli Kombëtar, me votim të fshehtë, ndërmjet jo më pak se dy kandidaturave.

3) Kur PDSH nuk është shumicë qeverisëse, Kryetari i Partisë është edhe Kryetar i Grupit Parlamentar. Kryetari i Partisë, me autorizim të tij, mund të caktojë një prej Nënkryetarëve të Partisë për të drejtuar Grupin Parlamentar.

4) Grupi Parlamentar i PDSH-së: a) përfaqëson në Parlament PDSH-në dhe siguron aty mbrojtjen e platformës, programit dhe interesave të PDSH-së;

b) harton programin dhe përcakton mënyrën e veprimit e të angazhimit të deputetëve të tij në Parlament dhe në zonat elektorale përkatëse;

c) Rregullorja e funksionimit dhe përfaqësimi institucional i Grupit Parlamentar, miratohet me vendim të Kryesisë së Partisë.