Muzeu i Dibrës për herë të parë u hap në një dhomë në vitin 1969.
Më vonë në vitin 1987 iu shtua dhe pavioni etnografik(gjatë këtij viti numeroheshin rreth 78 muze në rrethin e Dibrës).
Muzeu ka qenë vendosur në objekte të ndryshme, por në vitin 2010 u vendos në qender të qytetit të Peshkopisë, në ish-Shtëpia e Kulturës.
Aktualisht në këtë muze janë të vizitueshme 3 pavione:
- Pavioni arkeologjik
Në këtë pavion ndodhen objekte që janë gjetur në zona të ndryshme të Dibrës, si: Çetush, Burim, Çidhen,Topojan, Grezhdan etj.
Këto objekte janë fragmente enësh, sopatë guri, peshore bikonike, maja heshtash, helmetë etj, që datojnë që nga periudha e Neolitit të hershëm deri në mesjetë.
- Pavioni historik
Në këtë pavion është pasqyruar historia e Dibrës, luftrat dhe jeta politike, si dhe disa nga figurat që kanë lënë gjurmë jo vetëm në trevën tonë por në mbarë popullin shqiptarë, si: Seid Najdeni, Iljaz Pashë Qoku, Dom Nikoll Kaçorri, Vehbi Dibra (Agolli), Elez Isuf Ndreu, Haxhi Lleshi etj.
- Pavioni etnografik
Është ndër pavionet që ka më shumë objekte dhe janë të ndarë në 3 dhoma dhe një holl I madh.
- Oda e miqve
Karakteristikë e odës së miqve është oxhaku, punimet e drurit, po ashtu kemi dhe te ulurën në shilte dhe në lëkura delje( këmbëkryq), sofra me sahan me kapak, mangalli, veglat e muzikës, enët e drurit dhë të botës , veglat muzikore, qilimat e sexhadet me motive kombetare ku mbizotëron ngjyra e kuqe dhe shqiponja dykrenare. Në fund të odës qendron ibriku me lengjer.
- Oda e veshjeve
Janë të ekspozuara disa nga veshjet, si: xhupet, jelekët të punuar me fije ari, përparëset, mitanet , tirqet , brezat, corapet. Po ashtu kemi dhe djepin, ku jane rritur femijet brez pas brezi.
- Oda e eneve të kuzhinës dhe veglave të punës
Në këtë odë janë të ekspozuara disa nga enet, si psh: sini, tenxhere, ftere, sac, dollapët e kafës, vorba etj.
Kemi dhe veglat e punës, si psh: veglat e bujqësisë, veglat e kovacit,si dhe veglat që përdoreshin për punimin e drurit etj.
Në këtë ode kemi dhe razbuja (tezgjahu).
Në hollin e pavionit etnografik janë të ekspozuara dy vitrina me bizhuteritë e femrave, po ashtu dhe të burrave, gjithashtu dy veshje burrash.
Edhe në holl nuk mungojnë punimet e drurit.
Në gjithë godinën e muzeut janë të ekspozuara piktura të piktorëve dibran, si: Duro Ibrahimi, Bajram Mata, Ramadan Kanxha, Hamdi Kaci, Zaim Elezi, Flamur Sala etj.
Ju mirepresim në muzeun tonë!
Ju mirepresim në Dibrën e Kastriotëve!
Përgjegjëse e Muzeut Dibër
Morena Ruçi
Një kafe nga ju!
