Ky është Drini i Zi

Drini i Zi është një lumë i rëndësishëm që buron nga Liqeni i Ohrit. Ai ka një lartësi mbidetare prej 695 metra, ndërsa del nga territori i Maqedonisë së Veriut në afërsi të qytetit të Dibrës në lartësi mbidetare 476 metra
Gjatësia e përgjithshme e lumit është 149 kilometra, dhe brenda Maqedonisë së Veriut, lumi është i gjatë 56 kilometra.
Urat e shumta që lidhin dy brigjet e Drinit të Zi i japin Strugës epitetin “Qyteti i Urave”

Ky lumë rrjedh në veri në drejtim të qytetit të Dibrës në një zonë malore, ku pastaj e shënon një pjesë të kufirit të Maqedonisë së Veriut me Shqipërinë, për të kaluar pastaj në territorin e Shqipërisë.
Në pjesën e Maqedonisë së Veriut, rrjedha e lumit është e ndërprerë nga dy liqene artificiale (Dibër dhe Glloboçicë), të cilat shërbejnë për përfitimin e rrymës elektrike.

Pranë qytetit të Kukësit, Drini i Zi bashkohet me Drinin e Bardhë duke formuar lumin e bashkuar Drin, i cili ka derdhje në Detin Adriatik