Ilir Topi ka dhënë dorëheqjen nga detyra e drejtorit të Fondit të Detyrueshëm të Kujdesit Shëndetësor, ndërsa në vend të tij është emëruar Suela Popa.
Dorëheqja është formalizuar ditën e sotme, ndërsa në orën 09:00 është firmosur me Këshillin Administrativ procedura për largimin e tij nga detyra.
Topi e mbajti drejtimin e Fondit të Detyrueshëm të Kujdesit Shëndetësor për rreth katër muaj.
Ndërkohë, drejtuesi i ri i institucionit pritet të prezantohet sot në orën 11:00 nga ministrja e Shëndetësisë.
Suela Popa është një financiere me arsim në Financë-Bankë dhe Drejtësi nga Universiteti i Tiranës, e cila ka shërbyer si Drejtore e Përgjithshme e AZHBR-së dhe anëtare e Këshillit Mbikëqyrës të Bankës së Shqipërisë. Nga sot (29 shtator) ajo ka marrë drejtimin e Fondit të Sigurimit të Detyrueshëm të Kujdesit Shëndetësor (FSDKSH).
Start News
