Aktualitet dhe Lajme

Arrihet marrëveshja mes Izraelit dhe Hamasit, zgjatet edhe një ditë armëpushimi

Share

Armëpushimi në Gaza u zgjat pasi Hamasi i dha Izraelit një listë të re të pengjeve të grave dhe fëmijëve që do të liroheshin, raportoi gazeta Israel Hayom, duke cituar Zyrën e Kryeministrit.

Gazeta shtoi në X se kabineti i luftës i Izraelit kishte vendosur “njëzëri” të mërkurën mbrëma se luftimet do të “rinisnin menjëherë” nëse Hamasi nuk jep një listë të re.

Njoftimi i Izraelit se armëpushimi do të zgjatej u bë vetëm disa minuta para skadimit të tij.

Kombi ndërmjetësues Katari konfirmoi të enjten se armëpushimi do të vazhdojë edhe për një ditë tjetër.

“Palët palestineze dhe izraelite kanë arritur një marrëveshje për të zgjatur pauzën humanitare në Rripin e Gazës për një ditë shtesë sipas kushteve ekzistuese, të cilat janë ndërprerja e të gjitha aktiviteteve ushtarake dhe hyrja e ndihmave humanitare në Gaza”, tha Ministria e Punëve të Jashtme të Katarit.

Katari u angazhua në negociata intensive, me mbështetjen e Egjiptit dhe Shteteve të Bashkuara, për të zgjatur armëpushimin në Gaza, i cili do të përfundonte mëngjesin e sotëm.

Izraeli dhe Hamasi ranë dakord për armëpushimin të mërkurën e kaluar.

Deri në mbrëmjen e djeshme janë liruar 102 pengje, ndërsa janë liruar 210 të burgosur palestinezë.

Qindra kamionë me ndihma humanitare, furnizime mjekësore dhe karburant janë lejuar gjithashtu në Gaza./albeu.com




Huazuar nga Albeu.com

Një kafe nga ju!

Back to top button