16 viktima në Filipine, autoritetet bëjnë apel që qytetarët të largohen nga zonat bregdetare
Një nga tërmetet më të forta që ka goditur Filipinet këtë vit ka ndodhur në det dhe ka shkaktuar dëme serioze në një qytet të rëndësishëm bregdetar, duke lënë pa energji elektrike zona të tëra dhe duke nxitur valë cunami rreth 1 metër përgjatë disa brigjeve.
Tërmeti me magnitudë 7.8 goditi jugun e Filipineve këtë të hënë, 8 qershor, dhe deri tani raportohet për të paktën 16 viktima e 200 të plagosur, shembje ndërtesash dhe paralajmërime për cunami në disa vende të rajonit.
Autoritetet në Filipine dhe Indonezi u kanë bërë thirrje banorëve të zonave bregdetare të largohen menjëherë drejt vendeve më të larta, pasi tërmeti ndodhi në det, rreth 24 kilometra në perëndim të provincës Sarangani në ishullin Mindanao, sipas Shërbimit Gjeologjik të SHBA (USGS).
Në qytetin General Santos, një qendër e rëndësishme tregtare dhe përpunuese e tonit me mbi 700 mijë banorë, raportohet se të paktën një ndërtesë është shembur.
Ekipet e shpëtimit po vazhdojnë punën në terren dhe numri i të plagosurve mund të rritet…
A powerful 7.8-magnitude earthquake has rocked the Philippines, with reports of severe damage and building collapses across parts of Mindanao. pic.twitter.com/ia3HywkXib— Defence Index (@Defence_Index) June 8, 2026
Presidenti Ferdinand Marcos ka pezulluar mësimin në zonat e prekura të Mindanaos dhe u ka bërë thirrje banorëve të evakuohen menjëherë nga zonat bregdetare, duke theksuar: Lëvizni menjëherë drejt vendeve të larta. Mos prisni. Jeta juaj është më e rëndësishme se çdo gjë tjetër!
Tërmeti ka shkaktuar paralajmërime për cunami në disa vende të Paqësorit. Instituti Filipinas i Vullkanologjisë dhe Sizmologjisë ka regjistruar valë rreth 1 metër në provincat Sultan Kudarat dhe Sarangani, ndërsa Qendra e Paralajmërimit për Cunami në Paqësor ka deklaruar se valë deri në 3 metra janë të mundshme në disa brigje të Filipineve.
Sipas njoftimeve, rreziku për cunami mund të shtrihet brenda 3 orëve në Filipine, Indonezi, Palau, Tajvan dhe Papua Guinenë e Re. Edhe Japonia ka lëshuar paralajmërime për pjesë të bregdetit të saj, ndërsa Malajzia ka paralajmëruar për rrezik në shtetin Sabah. Në disa zona të tjera të rajonit janë vërejtur ndryshime të vogla në nivelin e detit, ndërsa paralajmërimet për Guam janë hequr dhe për Hawaiin nuk ka rrezik, sipas autoriteteve.
Sipas Institutit Filipinas të Vullkanologjisë dhe Sizmologjisë, epiqendra e tërmetit ndodhej në det, rreth 13 kilometra në jugperëndim të General Santos, në thellësi rreth 10 kilometra, si pasojë e lëvizjeve në gropën tektonike Cotabato Trench. Pas tij janë regjistruar edhe pasgoditje me magnitudë deri në 6.5.
Filipinet ndodhen në të ashtuquajturin “Unaza e Zjarrit” të Paqësorit, një zonë me
