Thyejn rekord temperaturat, Në ishullin e Kretës shënohet marsi më i nxehtë në 20 vitet e fundit
![](https://nediber.com/wp-content/uploads/2024/03/640-0-72585440a5e9d4ecaa2cc6552b0d2fc0-68.jpg)
Ishulli i Kretës në Greqi ka shënuar sot një rekord të ri me temperaturat më të larta që janë shënuar atje gjatë muajit mars në 20 vitet e fundit.
Meteorologët grekë thanë se në Kretë temperaturat në shumë zona kaluan edhe mbi 32 gradë celcius. Sa i përket temperaturave më të larta, termomentri arriti pikën më të lartë sot në Alikianos Chania 32.6 gradë, ndërsa në qendër të Chania 32.5 gradë.
Drejtori i kërkimeve në Observatorin e Athinës, Kostas Lagouvardos, tha për protothema.gr se këto janë temperatura që arrijnë apo edhe tejkalojnë rekordet e muajit mars në 20 vitet e fundit në Greqi.
Përjashtim nga temperaturat e ngrohta ishin zonat e Greqisë Veriore ku termometri sot nuk i ka kaluar vlerat mesatare normale për sezonin.
Meteorologët thanë se rritja e temperaturave janë favorizuar nga pluhuri afrikan që ka pushtuar edhe vendin tonë.