Tentoi të grabiste një dyqan por plagosi pronarin dhe të bijën, arrestohet shqiptari në Itali
![](https://nediber.com/wp-content/uploads/2024/05/640-0-1713460684xcapturepng-448-1-56.png)
Një 49-vjeçar shqiptar është arrestuar në nga policia në Milano për akuzën e vrasjes në tentativë, vjedhje dhe armëmbajtje pa leje.
49-vjeçari dyshohet se ka qëlluar me armë zjarri dhe ka plagosur pronarin e një dyqani dhe vajzën e tij gjatë një tentative grabitjeje më 4 maj.
Sulmi ndodhi në via Costantino Baroni, kur i dyshuari hyri brenda dyqanit të duhanit në momentin e mbylljes dhe u përpoq të vidhte xhiron ditore dhe biletat gërvishtëse. Pasi i ka plagosur babë e bijë, shqiptari mori në pronësi bileta me vlerë rreth 15.000 euro.
Në një episod të dytë, më 6 maj, ai tentoi të grabiste një dyqan ushqimesh i armatosur me armë, por dështoi.
Hetimet e Policisë së Shtetit kanë çuar në arrestimin e shqiptarit falë analizës së pamjeveve të sigurisë.
Gjatë arrestimit, atij iu gjet një pistoletë gjysmë automatike, plumba dhe një thikë, si dhe veshje që i kishte përdorur gjatë grabitjeve./