Situata e sigurisë në Lindjen e Mesme është përkeqësuar ndjeshëm pas një serie sulmesh dhe kundër-sulmesh mes Shtetet e Bashkuara të Amerikës, Izraeli dhe Irani, duke rritur frikën për një përshkallëzim më të gjerë rajonal.
Mbrëmjen e 3 marsit, në Dubai u raportuan shpërthime dhe kolona tymi pranë zonave diplomatike. Sipas burimeve mediatike dhe pamjeve që qarkullojnë në rrjet, konsullata amerikane dyshohet se është goditur nga dronë, duke shkaktuar zjarr dhe dëme materiale. Deri tani nuk ka konfirmime zyrtare për viktima, ndërsa autoritetet lokale kanë bërë thirrje për qetësi dhe informim vetëm nga burime zyrtare.
Ngjarje të ngjashme u raportuan edhe në Riad, kryeqyteti i Arabia Saudite, ku ambasada amerikane thuhet se u shënjestrua nga dronë, duke shkaktuar dëme të lehta dhe evakuim të pjesshëm të personelit diplomatik.
Sulmet konsiderohen pjesë e një vale më të gjerë operacionale që Teherani pretendon se po e drejton kundër objektivave amerikane dhe aleatëve të tyre në vendet e Gjirit, në përgjigje të veprimeve ushtarake të fundit në rajon.
Ndërkohë, Departamenti i Shtetit i SHBA-së ka lëshuar paralajmërime sigurie për qytetarët amerikanë në disa vende të Lindjes së Mesme, duke rekomanduar kujdes të shtuar dhe shmangie të zonave pranë objekteve diplomatike dhe ushtarake.
Analistët paralajmërojnë se nëse cikli i sulmeve vazhdon, ekziston rreziku i një konflikti më të gjerë që mund të destabilizojë jo vetëm rajonin, por edhe tregjet globale të energjisë dhe sigurinë ndërkombëtare. Situata mbetet dinamike dhe me zhvillime të shpejta.
starnews.al
