Sherri mes tifozëve në nisje të derbit, disa efektivë të policisë lëndohen rëndë dhe dërgohen në spital

Në fillim të derbit mes Partizanit dhe Tiranës kishte tensione të mëdha. Tifozët e kuq “mësyen” në fushë duke shkuar drejt tribunës ku ishin vendosur tifozët e Tiranës.

Është dashur ndërhyrja e policisë që turma të shpërndahej. Por, nga kjo përplasje kanë mbetur të lënduar disa efektivë të policisë. Këta të fundit kanë marrë dëmtime, duke u detyruar që të transportohen drejt spitalit të Traumës.

Kujtojmë se derbi i sotëm mes Partizanit dhe Tiranës që po zhvillohet në “Arenën e Demave”, është sfidë e vlefshme për javën e 24-të të Superiores. Momentalisht, bardheblutë po udhëheqin 0-1 me golin e Ernest.