Planifikonte sulme gjatë Lojërave Olimpike dhe të vdiste si martir, arrestohet i riu nga Çeçenia

Një 18-vjeçar nga Çeçenia u arrestua me dyshimin se ishte pas një plani për të shënjestruar spektatorët dhe policinë në ndeshjet e futbollit në Saint-Etienne gjatë Lojërave Olimpike të Parisit.

Gérald Darmanin tha në një deklaratë se anëtarët e Drejtorisë së Përgjithshme të Sigurisë së Brendshme arrestuan një 18-vjeçar nga Çeçenia më 22 maj me dyshimin se qëndronte pas një plani për të sulmuar aktivitetet e futbollit që do të mbahen në jugperëndim të Lionit.

Sipas hetimeve fillestare, ai po përgatiste një sulm që synonte stadiumin Geoffroy-Guichard në qytetin e Saint-Etienne që do të presë disa ndeshje gjatë Lojërave Verore.

Sulmi i planifikuar ishte për të synuar spektatorët dhe forcat e policisë, thuhet në deklaratë. I dyshuari thuhet se donte të sulmonte ngjarjet olimpike ‘për të vdekur dhe për t’u bërë martir’.

Lojërat Olimpike të Parisit do të zhvillohen nga 26 korriku deri më 11 gusht.

Ndeshjet e futbollit do të zhvillohen në qytete në të gjithë Francën përpara finales në Stade de France në Paris. Shqetësimet e sigurisë janë veçanërisht të larta për ceremoninë e jashtëzakonshme të hapjes, e cila sjell më shumë se 100 liderë botërorë në kryeqytetin francez.

/a.r