Nisin punimet nga rruga që shkon për Sinë deri te kryqëzimi që shkon për Çidhën, si dhe asfaltimin e rrugës Arras-Lurë.

Në kuadër të Programit për Zhvillimin e Infrastrukturës dhe Turizmit në Shqipëri, ka nisur një projekt i rëndësishëm për rikonstruksionin e rrugës lidhëse nga fshati Sinë deri te hyrja e rrugës Arras-Çidhën. Ky projekt, i mbështetur nga Banka Europiane për Rindërtim dhe Zhvillim (BERZH) dhe i financuar nga Qeveria Shqiptare, synon përmirësimin e infrastrukturës dhe zhvillimin ekonomik e turistik të zonës, duke lehtësuar qasjen në një nga destinacionet më të rëndësishme natyrore dhe turistike të rajonit.

Kryetari i Bashkisë Dibër, Rahim Spahiu, së bashku me deputetin Lavdrim Krashi, inspektuan nga afër nisjen e punimeve të segmentit rrugor nga kryqëzimi i rrugës që shkon për Sinë deri te kryqëzimi që shkon për Çidhën, si dhe asfaltimin e rrugës Arras-Lurë. 🚧🛣️🤝🚜✅

Ky investim pritet të ketë një ndikim të rëndësishëm në përmirësimin e cilësisë së jetës së banorëve të zonës, si dhe në nxitjen e turizmit dhe zhvillimit ekonomik, duke e bërë rajonin më tërheqës për vizitorët dhe investitorët.