Nis Kuvendi, një minutë heshtje për ish-deputetin socialist Andis Harasani

Seanca plenare e sotme në Kuvendin e Shqipërisë ka nisur me një minutë heshtje në nder të ish-deputetit socialist Andis Harasani, i cili u nda nga jeta para kohe.

Kryetarja e Kuvendit, Elisa Spiropali e vlerësoi Harasanin si një parlamentar aktiv dhe të përkushtuar. “Duke i shprehur ngushëllime familjes dhe të afërmve për humbjen e tij, në nderim të kontributit të tij për vendin, ju ftoj të mbajmë një minutë heshtje,” tha ajo.

Deputetët u ngritën në këmbë për të nderuar ish-kolegun e tyre.