Në rrënjët e thella nga Kastrioti i Dibrës, vend i njohur për njerëz të punës, ndershmërisë, urtësinë dhe njerëz të mirë – ka lindur një prej profesionistëve më të përkushtuar të mjekësisë shqiptare: Dr. Edison Koltraka, mjek kardiolog intervencionues, i cili sot përfaqëson një shembull të shkëlqyer të aftësisë, profesionalizmit dhe humanizmit në shërbim të pacientëve.
Rruga e tij drejt kardiologjisë ka qenë e mbushur me pasion, këmbëngulje dhe specializime te ndryshme si ajo që kankryer në Austri. Kjo dëshirë e madhe e çoi drejt Memorial-it në Fier, një institucion shëndetësor ku standardet më të larta mjekësore dhe humanizmi i përditshëm bashkohen në një mision të përbashkët: shërimin me dinjitet dhe profesionalizëm.
Si mjek kardiolog intervencionues, Dr. Koltraka kryen një gamë të gjerë procedurash diagnostikuese dhe ndërhyrëse, duke siguruar trajtim bashkëkohor dhe të personalizuar për çdo pacient. Qasja e tij është e qartë: saktësi në diagnostikim, ndërhyrje të sigurta dhe ndjekje e vazhdueshme për të garantuar shërimin e plotë.
Ajo që e dallon Dr. Koltrakën nuk është vetëm kompetenca profesionale, por edhe qetësia, humanizmi dhe zemra e tij e hapur. Në çdo konsultë, ai transmeton siguri; në çdo trajtim, besueshmëri; dhe në çdo ndërveprim, kujdes njerëzor. Pacientët e tij shpesh e përshkruajnë si mjekun “që i dëgjon, i kupton dhe i shëron jo vetëm me duar, por edhe me zemër”.
Puna e tij e përditshme është një ndërthurje e shkencës moderne me vlerat tradicionale të Dibrës së mirë – vendlindjes së tij. Kastrioti vendi që e rriti, i dha thjeshtësinë dhe urtësinë; mjekësia i dha misionin. Sot, ai i bashkon të dyja për të sjellë shpresë dhe jetë të re për zemrat e pacientëve.
Me kontributin e tij të vyer, Dr. Edison Koltraka vazhdon të nderojë jo vetëm profesionin, por edhe origjinën e tij dibrane, duke treguar se nga Kastrioti i Dibrës lindin histori suksesi që prekin jetë, shërojnë zemra dhe frymëzojnë breza.
