Jennifer Garner, e lodhur nga situata e Ben me JLo

Ben Affleck thuhet se është mbështetur tek Jennifer Garner mes krizës martesore me JLo, por burimet thonë se aktorja është lodhur” duke ndihmuar ish-bashkëshortin e saj.

“Jen përfundimisht arriti në një vend ku ajo ishte si: “Më fal, kuptoji vetë gjërat”, tha një burim i brendshëm për Daily Mail të martën.

“ Filloi të bëhej shumë e dhimbshme për të, sepse po sillte kaq shumë kujtime të divorcit të tyre,” shtoi burimi.

Garner, 52, dhe Affleck, 51, ishin të martuar për më shumë se 10 vjet dhe kanë 3 fëmijë Violet, 18, Seraphina, 15 dhe Samuel, 12.

Ish-çifti u bashkua pasi Affleck dhe Lopez, ndërprenë fejesën e tyre në fillim të viteve 2000. Vite pas divorcit të Affleck dhe Garner, aktori i “Justice League” u pajtua me Lopez dhe ata u martuan në vitin 2022.

Burimi i Daily Mail tha se Garner “ndihej sikur ishte e dyta” pas Lopez kur ishte e martuar me Affleck “edhe pse nuk kishte asnjë komunikim” mes ish-çiftit.

“Ajo u befasua se sa publik u bë ai kur u ribashkuan, sepse ai donte të ishte jashtë vëmendjes kur ata martoheshin”, vazhdoi burimi i brendshëm.

Burimi gjithashtu pohoi se Garner ishte jashtëzakonisht e mirëkuptueshme me artisten.

“Jen ia hapi shtëpinë dhe jetën e saj J.Lo-së, sepse ajo ka ecur përpara. Ajo kujdeset për J.Lo dhe kujdeset për fëmijët e tyre dhe se si do të ndikojë tek të gjithë ata”, u shpreh ai.

“Por në fund, nuk është cirku i Jen-it,  dhe ajo ka mbaruar duke luajtur si këshilltare martese me ish-burrin dhe gruan e tij”.