Bill Gates ka folur publikisht për marrëdhënien e tij me Jeffrey Epstein.
Manjati i teknologjisë ka shprehur pendesë për çdo minutë që ka kaluar me bankierin pedofil, duke shtuar se ai nuk e ka vizituar kurrë ishullin e Karaibeve të Epstein dhe kurrë nuk takoi asnjë grua përmes tij.
Lajmi vjen pasi Departamenti i Drejtësisë publikoi një grup të ri dokumentesh javën e kaluar, duke zbuluar detaje të reja rreth lidhjeve të Epstein me disa figura, përfshirë Elon Musk, ish-Princin Andrew dhe Gates.
Dokumentet përfshijnë dy email-e, të cilat përmbanin akuza të paverifikuara se Gates kishte kryer marrëdhënie jashtëmartesore dhe se kishte marrë sëmundje seksualisht të transmetueshme.
Në një email, Epstein pretendon se Gates u përpoq t’i jepte ish-gruas së tij, Melinda Gates, antibiotikë.
Në intervistën e dhënë ditën e sotme, Gates i mohoi këto akuza.
“Me sa duket, Jeffrey i shkroi një email vetes. Ai email nuk u dërgua kurrë. Emaili është i rremë. Nuk e di se çfarë mendonte ai aty.”
Gates shpjegoi se ai u takua për herë të parë me Epstein në vitin 2011 dhe se kaloi kohë me të vetëm duke darkuar.
Miliarderi tha se marrëdhënia e tyre përfshinte kryesisht diskutime rreth mundësive të biznesit dhe asgjë më shumë.
starnews.al