Erion Braçe largohet nga qarku Fier, angazhohet për zgjedhjet në Tiranë

Prej ditësh po flitej se deputeti socialist Erion Braçe, pas disa mandatesh dhe angazhimi në qarkun e Fierit, do të zhvendoset në një qark tjetër për zgjedhjet parlamentare të 2025-ës.

E së fundmi, burime për Euronews Albania kanë konfirmuar këto lajme.

Mësohet se në mbledhjen e zhvilluar pasdite e djeshme në Divjakë, kryesocialisti Edi Rama, ka vendosur që Erion Braçe të mos jetë më deputet i qarkut të Fierit.

Sipas të njëjtave burime, bëhet me dije se deputeti socialist me vendim të Ramës është zhvendosur në Tiranë, duke ndryshuar kështu pas shumë vitesh arenën e tij politike.

Pak muaj larg nga zgjedhjet e 11 majit, kryeministri Edi Rama, ka bërë disa ndryshime në angazhimin e socialistëve në terren.

Më lëvizjen e Braçes, PS-ja ka 6 drejtues politikë në qarkunn e Tiranës. Ai do t’i bashkohet, Ogerta Manastirliut, Elisa Spiropalit, Blendi Gonxhes, Ervin Hoxhës, Erion Veliajt për të vijuar punën me angazhimin e strukturave të partisë në kryeqytet në qarkun e Tiranës, ku në total dalin 37 mandate deputetësh. Me sa duket Veliaj eshte ‘rrethuar” nga shume figura te PD.