Në aksion për të ndërtuar bunkerë në Rrafshë të Korabit, bashkë me fshatarët ishte dhe një zyrtar i lartë nga Peshkopia. Ishte i moshuar. Nga mesi i ditës filloi me u nxi qielli. Gjëmimet u banë të shpeshta, filluan dhe shkreptimat e rrufesë. Qeveritari e ndjeu veten ngushtë dhe nga frika e rrufesë, u fut poshtë barkut të kalit dhe u bë njësh me të. Fshatarët ishin çoroditë keq, më shumë nga frika se sa nga i ftohti dhe shiu rrebesh. Pushtetari, kur pa se në çfarë situate ndodheshin, filloi të bërtasë që aty poshtë kalit: – Bini, mor në shehadet, të paktën ju, se mue nuk më le partia!
