Berisha komenton mitingun e PS në Dibër dhe Ramën me Noizyn: Ç’lidhje ka ai me pensionet? Tallet me ju, edhe Kamala mori të gjithë Hollywood-in, por përfundoi atje ku e meritonte
Kreu i PD-së, Sali Berisha, ka komentuar mitingun e PS-së në Dibër, ku reperi i njohur Noizy mbërriti në takimin elektoral me Lamborghini.
Kryedemokrati u shpreh se Rama tallet me shqiptarët, duke u shprehur se “merr dalluen dhe i bie”.
“Gjen dhe Noizy-n me Lamborghini”, deklaroi Berisha, teksa shtoi se; “le ta gëzojë, ç’punë ka ai me pensionistët”.
Berisha ironizoi mitingun e PS-së me personazhe të showbizz, duke e krahasur me kandidaten për presidente të Amerikës, teksa deklaroi se edhe Kamala mori të gjithë Hollywood me vete, por shtoi kreu i PD-së, përfundoi atje ku e meritonte.
“Tallet me ju, me shqiptarët. Merr daullen dhe i bie daulles. Gjen dhe Noizy-n me Lamborghini, po Lamborghini i Noizy nuk është pensione, nuk është rroga, ai ta gëzojë por ç’punë ka pensionisti me të? Apo si ta mashtrojë? Po ç’punë ka i sëmuri që vdes për ilaçe. Historia ka qenë e hidhur, edhe Kamala mori të gjithë Hollywood me vete por përfundoi atje ku e meritonte. Çfarë i mendon ky shqiptarët, qenie primitive? Njerëz që mund t’i mashtrojë? Kurrën e kurrës nuk janë të tillë. Ndaj dhe 11 Maj është dita e qytetarit është ora e vërtetë e tij, e mençurisë, dinjitetit të tij. Votoni 1, të gjithë jeni 1-sha“, tha Berisha.
