Lajme nga Dibra
Aksident në galeritë e kromit në Martanesh, humb jetën minatori 29-vjeçar dhe një tjetër në gjendje të rëndë
![](https://nediber.com/wp-content/uploads/2024/05/83885388_2469724729948236_2164173173652717568_o-780x470.jpg)
Një aksident i rëndë u shënua mesditën e sotme në minierën në Theknës në Martaneshi. Dy puntorë që punonin si vagonistë në minierë u zunë poshtë nga shembja e një masivi minerali.
Si pasojë e plagëve të marra, humbi jetën 29-vjeçari, Armond Peshku, ndërsa punëtori tjetër, Hajdar Bala, rreth 40 vjeç, është transportuar në Spitalin e Traumës në Tiranë për ndihmë mjekësore, informoi Policia e Dibrës.
Aksidenti i rëndë ndodhi këtë të martë, rreth orës 12:50 minuta. Nga informacione paraprake bëhet me dije se aksidenti ka ndodhur në galeritë e administruara nga kompania ‘Ylberi sh.p.k’. Galeritë e kromit në Bulqizë dhe Martanesh janë një prej zonave me më shumë aksidente të rënda në punë.