Aksident në Durrës, një grup të rinjsh dhunojnë shoferin e Audi-t, përfundon në spital

Një aksident ka ndodhur këtë mbrëmje në Durrës ndërsa përplasja e dy automjeteve ka përshkallëzuar në sherr mes njërit prej shoferëve dhe disa personave të tjerë.

Audi me targa gjermane, ku udhëtonin një familje shqiptare emigrante, dhe një Volkswagen me targa shqiptare, janë përfshirë në aksident.

Pas debatit mes drejtuesve të mjeteve, situata u përshkallëzua kur shoferi i Audi-t u dhunua nga një grup të rinjsh, të cilët ndërhynë në konflikt.

Si pasojë e dhunës, ai ka pësuar thyerje të hundës dhe çarje në vesh, duke u transportuar me urgjencë në Spitalin Rajonal të Durrësit.

Drejtuesi i Volkswagen-it është larguar nga vendngjarja dhe mbetet ende i paidentifikuar. Forca të shumta policie kanë mbërritur në zonë dhe po punojnë për zbardhjen e ngjarjes.