Aksident masiv në aksin Tiranë-Elbasan/ Përplasen 4 makina, raportohet për disa të plagosur, pamje nga vendi i ngjarjes (FOTOT)

Paraditen e sotme, një aksident i rëndë ka ndodhur në dalje të tunelit Elbasan-Tiranë, afër fshatit Ibë, ku janë përfshirë katër automjete.

Nga informacionet paraprake, mësohet se janë përplasur rreth 4 makina, teksa si pasojë e aksidentit kanë mbetur të plagosur disa persona, të cilët janë transportuar në spital.

Dyshohet se moti i keq ka ndikuar në shkaqet e aksidentit, si dhe shpejtësia me të cilën lëviznin mjetet, nisur nga kushtet e motit.

Grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.