Aksident i rëndë në Bulqizë, makina bëhet copë-copë
Një aksident i rëndë rrugor ka ndodhur këtë pasdite në Bulqizë.
Një makinë tip “Audi” me targa “AB051 ID” ka dalë nga rruga e për pasojë është lënduar rëndë shoferi, Ramazan Meta, 22 vjeç.
Siç duket edhe nga pamjet makina është bërë copash.
Fillimihst ai është dërguar me urgjencë në spitalin e Bulqizës për të marrë ndihmën e parë mjekësore, ndërsa raportohet se është nisur me ambulancë drejt Traumës për shkak të gjendjes së rënduar.
Në vendngjarje ka mbërritur grupi hetimor i cili po punon për zbardhjen e aksidentit.
Njoftimi i Policisë
Bulqizë/Informacion paraprak:
Rreth orës 16:10 në aksin rrugor Fushë Bulqizë-Shupenzë, shtetasi R.M., duke drejtuar automjetin tip “Audi”, ka humbur kontrollin mbi drejtimin e mjetit dhe mjeti ka dalë nga rruga.
Si pasojë ka mbetur i lënduar drejtuesi i mjetit i cili është dërguar për ndihmë mjekësore në spital. Në vendngjarje ndodhet grupi hetimor, i cili po punon zbardhjen e rrethanave të aksidentit.
/albeu.com/
