Donald Trump ka shprehur privatisht dëshirën që zëvendëspresidenti J.D. Vance të jetë pasardhësi i jo vetëm administratës së tij, por edhe drejtimit të Partisë Republikane në zgjedhjet presidenciale të vitit 2028.
Sipas burimeve të cituara nga “Washington Post”, gjatë një takimi me donatorët në Zyrën Ovale, Trump u shpreh se “në fund të fundit, ne duhet ta zgjedhim Jay-n”, një deklaratë kjo që bie në kundërshtim me qëndrimin e tij publik ku ka inkurajuar garën mes Vance dhe Sekretarit të Shtetit, Marco Rubio.
Ndërkohë që disa këshilltarë besojnë se Trump tashmë ka vendosur përfundimisht për Vance-in si trashëgimtarin e tij politik, aleatë të tjerë paralajmërojnë se presidenti njihet për ndryshimin e mendimeve dhe se mund të preferojë të mbajë një qasje të hapur për momentin. Nga ana e tij, J.D. Vance nuk ka konfirmuar ende planet për një kandidaturë të mundshme, ndërsa tensionet dhe lobimet brenda Partisë Republikane kanë nisur tashmë, me sytë e drejtuar nga rezultatet e zgjedhjeve të mesit të mandatit të nëntorit që pritet të përcaktojnë dinamikën e ardhshme politike të partisë.
starnews.al
