Temperatura deri në -5 gradë celcius, ja parashikimi i motit për fundjavën

Depërtimi i masave ajrore relativisht të ftohta dhe të thata do të bëjë që edhe për fundjavën moti të jetë i qëndrueshëm e kryesisht i kthjellët si dhe alternime vranësirash mesatare, më të theksuara në relievet malore të vendit.

Sipas Shërbimit Meteorologjik Ushtarak, era do të fryjë e lehtë me drejtim kryesor veriperëndim-jugperëndim me shpejtësi mesatare 6m/s, ndërsa në zonat luginore dhe gjatë vijës bregdetare hera-herës do të arrijë deri 9m/s, shoqëruar me valëzimin në dete të ulët të forcës 1-2ballë.