Taylor Swift rikujton debatin me West

Taylor Swift shpërtheu në lot ndërsa kujtoi grindjen me Kanye West, e cila ishte “një nga periudhat e saj më të errëta”.

Përplasja e këngëtares fituese të Grammy me ish-menaxherin e Justin Bieber Scooter Braun është fokusi i një dokumentari të ri, Taylor Swift Vs Scooter Braun: Bad Blood on Discovery+. Rivaliteti i tyre u forcua kur në vitin 2019, ekzekutivi i muzikës, i cili ka punuar me artistë si Justin Bieber dhe Ariana Grande, bleu këngët e Taylor nga ish-labeli i saj diskografik, Big Machine Records.

Përpara se Scooter të blinte këngët, gjë që e ka shtyrë Taylor-in të ri-incizojë albumet e saj në përpjekje për të fituar kontrollin mbi muzikën e saj, dyshja u përfshinë në një debat të diskutueshëm që përfshin Kanye West, në vitin 2016, kur Scooter përfaqësonte reperin. Kanye publikoi këngën e tij Famous, e cila përmbante një tekst të qartë rreth krijueses së hitit Shake It Off.

Në dokumentarë, një skenë fokusohet veçanërisht në reagimin e këngëtares ndaj grindjes së saj publike me Kanye dhe Kim – si dhe Scooter – dhe pranoi se ishte dërrmuese.

Gazetarja Brittany Spanos, e cila është paraqitur në  dokumentar, zbuloi se dokumentari i Taylor-it Miss Americana tregon momentin kur ajo kuptoi se çfarë i ka shkaktuar reputacionit të saj debati me Kanye. “Thjesht jam e  lodhur nga… thjesht… ndjehem sikur është më shumë se muzika tani në këtë pikë,” dëgjohet Taylor duke qarë në klip.

“Kjo ishte një periudhë nga më të errëtat në jetën e saj. E gjithë karriera e saj ishte në rrezik aty ku ajo ndjente se mund të humbiste gjithçka,” shpjegoi Brittany në Taylor Swift Vs Scooter Braun: Bad Blood.