Aktualitet dhe Lajme

Dhunohet 29-vjeçarja në Vlorë, në pranga babai, vëllai dhe i fejuari i saj

Share

Një 29-vjeçare është dhunuar nga tre persona në Vlorë. Sipas njoftimit të policisë e reja është dhunuar nga babai, vëllai dhe i fejuari i saj. Ndërkohë bëhet me dije se tre dhunuesit janë vënë në pranga.

Më tej policia raporton se ngjarja ka ndodhur për motive të dobëta. 29-vjeçares është në kujdesin e mjekëve, jashtë rrezikut për jetën. Gjatë kontrollit në banesën e 60-vjeçarit policia gjeti dhe sekuestroi 1 armë gjahu dhe municion luftarak.

Njoftimi i plotë:

Ushtruan dhunë fizike ndaj 29-vjeçares, për motive të dobëta, vihen në pranga babai, vëllai dhe i fejuari i saj. Sekuestrohen 1 armë gjahu dhe një sasi municioni luftarak, që i posedonte babai, në banesë. Shërbimet e Komisariatit të Policisë Vlorë, pas marrjes së njoftimit se një 29-vjeçare ishte dhunuar nga familjarët e saj, për motive të dobëta, në banesë, kanë ndërhyrë menjëherë për parandalimin e përshkallëzimit të dhunës.

Si rezultat, shërbimet e Policisë kanë kapur dhe arrestuar shtetasit: A. B., 60 vjeç (babai), E. B., 26 vjeç (vëllai) dhe A. J., 34 vjeç (i fejuari). Nga veprimet hetimore dyshohet se për motive të dobëta, këta shtetas kanë ushtruar dhunë fizike ndaj 29-vjeçares, e cila është në kujdesin e mjekëve, jashtë rrezikut për jetën. Gjatë kontrollit në banesën e shtetasit A. B., Policia gjeti dhe sekuestroi 1 armë gjahu dhe municion luftarak. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.



Huazuar nga Lapsi.al

Back to top button