ZYRTARE/ Do të sfidojë Leo Messin, mbrojtësi i kombëtares prezantohet në klubin “kuqezi”

Enea Mihaj ka vendosur të vazhdojë karrierën në Major League Soccer në SHBA. Mbrojtësi i kombëtares shqiptare është transferuar te skuadra e Atlanta United ditën e sotme.

Lajmin e ka bërë të ditur vetë skuadra amerikane nëpërmjet një postimi në rrjetet sociale. “Kuq e Zi për kombin dhe tashmë për klubin”, shkruan Atlanta United në rrjetet sociale ku prezantohet Mihaj.

Mbrojtësi kuqezi tashmë do të përballet me Lionel Messin në Konferencën Lindore. Enea Mihaj u largua nga Familicao si transferim i lirë pasi i përfundoi kontrata me portugezët.