Yamal tregon këmbën e gjakosur: Nuk ishte faull!

Pas fitores së komplikuar në fushën e Las Palmas, Lamine Yamal bëri ironi për gjendjen e këmbës së tij në rrjetet sociale, duke treguar me një fotografi se sa e përgjakur ishte.

Ylli i Barcelonës tani është mësuar të pësojë faulle dhe goditje nga kundërshtarët e tij, si në minutën e 59-të kur Essugo dhe Álex Muñoz e rrëzuan atë pa u menduar dy herë. Yamal mbeti në tokë me dhimbje pas ndërhyrjes që pësoi, por nuk pati asnjë vendim nga arbitri Cordero Vega.

17-vjeçari u shpreh i zhgënjyer për vendimin pas ndeshjes dhe me një nuancë ironie tregoi këmbën me çorapin e bardhë të përgjakur me shkrimin: “Nuk është faull”.