Trump: Ka shumë gjasa për armëpushim në Gaza brenda javës

Presidenti i SHBA, Donald Trump, deklaroi sot se ekziston një “mundësi shumë e mirë” që të arrihet një armëpushim në Rripin e Gazës këtë ose javën e ardhshme. Komentet e tij vijnë pas një takimi që pati të martën në Uashington me kryeministrin izraelit Benjamin Netanyahu.

“Kemi një mundësi reale për paqe këtë apo javën që vjen,” tha Trump përpara gazetarëve, duke lënë të hapur një dritare shprese për ulje të tensioneve në Lindjen e Mesme.

Takimi i fundit me Netanyahun ishte i dyti brenda dy ditëve, me fokus situatën e përshkallëzuar në rajon dhe mundësitë për ndërprerjen e luftimeve në Gaza.