Tirana-Partizani, zbulohen formacionet zyrtare në derbi

Tirana dhe Partizani përballen mes tyre këtë të Hënë, në derbin e fundit të sezonit.

Dy ekipet do të kërkojnë me çdo kusht triumfin në stadiumin “Arena Kombëtare”, për të mos rrezikuar objektivat që kanë. Bardheblutë në fakt e kanë jetike fitoren, për shkak se renditen në vendin e fundit dhe një tjetër rezultat negativ, do i afronte me Kategorinë e Parë.

Në krahun tjetër, Partizanit i rrezikohet vendi i katërt nga Elbasani dhe për këtë arsye kërkon të marrë 3 pikët ndaj rivalëve të qytetit.

Tre përballjet e mëparshme të këtij sezoni, janë mbyllur në barazim dhe ekipet synojnë të thyejnë këtë trend. Sfida do të luhet në “Arena Kombëtare” duke nisur nga ora 20:00.

Pak minuta para fillimit, dy trajnerët Bledi Shkëmbi dhe Skënder Gega, kanë zbuluar titullarët.

Formacionet zyrtare:

Tirana: Selmani, Vera, Mici, Kola, Dembele, Përgjoni, Soler, Smaçi, Ndreca, Zharmuni, Ernest.

Partizani: Hoxha, Preka, Domgjoni, Osmanllari, Buxhelaj, Ismaili, Mintongo, Taipi, Padstrelau, Bintsuka, Keko.