Tirana mposht bindshëm Partizanin – Albeu.com
Tirana ka arritur një fitore mjaft të rëndësishme në derbi, 3-0 përballë Partizanit duke rritur shpresat për të mbijetuar në kategorinë e më të mirëve.
Një ndeshje e nisur në mënyrë të kujdesshme nga të dyja skuadrat, me shumë dyluftime në mesfushë, por bardheblutë kanë arritur të gjejnë rrugën e rrjetës me anë të Jarmouni në minutën e 20-të.
Pesë minuta nga fundi i pjesës së parë bardheblutë kanë fituar një 11-metërsh, i cili është kthyer në gol nga Jarmouni, që ka kompletuar dopietën personale në derbi.
Një tjetër 11-metërsh është kthyer në gol nga bardheblutë dhe pikërisht nga Ernest në minutën e 69-të. Partizani ka reaguar në një moment me Kekon, i cili ka shënuar nga distanca, por që është anuluar për një pozicion jashtë loje.
Është mbyllur 3-0 për Tiranën që siguron një fitore që jep shpresë për të mbijetuar në “Abissnet Superiore”. Bardheblutë janë ngjitur në vendin e 8-të në kuotën e 35 pikëve, ndërsa Partizani mbetet me 47 pikë duke ndjerë nga afër rrezikun me emrin Elbasani që ka 46 pikë.
Tirana-Partizani 3-0
Shënues: Jarmouni 20’, 41’(p), Ernest 69’(p)
Është mbyllur sfida në “Arena Kombëtare”, Tirana ka arritur një fitore të pastër në derbi, 3-0 përballë Partizanit.
88’ – Keko ka shënuar për Partizanin me një goditje të fuqishme nga distanca, por goli është anuluar për një pozicion jashtë loje.
81’- Vera zbret rrezikshëm nga e djathta e sulmit bardheblum por goditja e tij e fuqishme është pritur nga Hoxha.
74’ – Jarmouni lëshon një goditje të rrezikshme në drejtim të portës së Partizanitm por hoxha tregohet i kujdesshëm.
71’ – Zeka provon edhe njëherë nga distanca me të majtën e tij, por Selmani pret pa probleme.
69′ – Goool! Tirana ka shënuar dhe golin e tretë përballë Partizanit. Ernest ka fituar një 11-metërsh dhe ka ekzekutuar saktësisht .
63’ – Zeka tenton me të majtën të rrezikojë portën e bardhebluve, por goditja e tij është mjaft e gabuar.
Nis pjesa e dytë…
Është mbyllur pjesa e parë në “Arena Kombëtare”, me Tiranën në avantazh të dyfishtë përballë Partizanit.
41’ – Goooool! Tirana ka dyfishuar shifrat përballë Partizanit. Ismaili ka prekur një top në zonë, Jarmouni është treguar i saktë nga pika e bardhë për të kompletuar dopietën.
37’ – Aksion i rrezikshëm i Partizanit, me Binstouka që shkëputet bukur nga e djathta e sulmit por në momentin e fundit gabon në pasim.
23’ – Partizani shfaqet rrezikshëm në zonën bardheblu, por krosimi i Buxhelajt nuk është shfrytëzuar nga sulmi.
19 ‘ – Goooool! Tirana ka kaluar në avantazh përballë Partizanit. Një goditje dënimi e ekzekutuar nga Ndreca është ndalur në shtyllë e më pas ka përfunduar te Jarmouni, i cili nuk fal, 1-0.
17’ – Rasti i parë i ndeshjes është për bardheblutë. Pas një aksioni të rrjedhshëm, Soler në një pozicion të favorshëm ka goditur në mënyrë të gabuar.
1’ – Bardheblutë shkelmojnë të parët topin
Ka nisur sfida në “Arena Kombëtare” mes Tiranës dhe Partizanit në kuadër të javës së 33-të të “Abissnet Superiore” që po vjen për shikuesit në ekranin e RTSH Sport…
TIRANA-PARTIZANI
Tirana: Selmani, Vera, Mici, Kola, Dembele, Përgjoni, Soler, Smaçi, Ndreca, Zharmuni, Ernest. Trajner: Bledi Shkëmbi
Partizani: Hoxha, Preka, Domgjoni, Osmanllari, Buxhelaj, Ismaili, Mintongo, Taipi, Padstrelau, Bintsuka, Keko. Trajner: Skënder Gega
