Aktualitet dhe LajmeLajmi i funditPërditshmëriShqipëria
Tërmeti shkund Shqipërinë, ndihen lëkundje të forta në disa qytete
Lëkundje të forta tërmeti janë regjistruar mëngjesin e sotëm rreth orës 02:42 në disa qytete të vendit.
Sipas informacioneve të para lëkundja ka qenë me magnitudë 4.6 të shkallës Rihter.
Epiqendra e tërmetit është regjistruar 48 kilometra në veriperëndim të Tiranës, 35 kilometra në veriperëndim të Durrësit. Raportohet se thellësia e valëve ka qenë 6.5 kilometra.
Deri tani, nuk janë raportuar dëme të mëdha ose lëndime serioze, por autoritetet po monitorojnë situatën dhe janë duke vlerësuar çdo pasojë të mundshme.
Lëkundjet janë ndjerë dhe në Lezhë, Laç e Fushë-Krujë.
