Presidenti amerikan ka zbuluar projektet s ai përket betejës për “pushtimin” e hapësirës.
Shtetet e Bashkuara duan të zbarkojnë njerëz në Hënë, të dërgojnë reaktorë bërthamorë në hapësirë dhe të zhvillojnë teknologji raketash që mund të lëshohen në hapësirë para fundit të dekadës.
Presidenti i SHBA-së Donald Trump përcaktoi një plan pesëvjeçar për atë që administrata e tij do të arrijë në hapësirë. Veprimi i parë në listë është kthimi në Hënë Brenda vitit 2028 dhe krijimi i një “baze të përhershme hënore” deri në vitin 2030.
NASA dhe partnerë si Agjencia Evropiane e Hapësirës ESA po përgatiten për nisjen e misioneve Artemis.
Anija kozmike Artemis II, e planifikuar të orbitojë rreth Hënës në shkurt të vitit 2026, ka në bord tre astronautë amerikanë dhe një kanadez.
Ende nuk ka një listë ekuipazhi për misionin e mëvonshëm Artemis III.
Urdhri ekzekutiv i Trump parashikon rritjen e shpenzimeve për kërkimin dhe studimin mbi krijimi e shërbimeve komerciale.
NASA po punon në një të ashtuquajtur mision “nga Hëna në Mars”, ku shkencëtarët do të përdorin mësimet nga sipërfaqja e Hënës, për të punuar drejt një misioni përfundimtar në Mars.
Trump në të jakuarën është shprehur se agjencia duhet të përqendrohet vetëm në arritjen e Planetit të Kuq.
Planeti i Kuq u përmend në urdhrin ekzekutiv se Shtetet e Bashkuara “do të jenë kombi i parë që do të zbarkojë një astronaut në Mars”.
Trump citohet nga Washington Post gjatë mandatit të tij të parë në vitin 2017 të ketë thënë se do të donte të shihte amerikanët të shkelnin në Mars gjatë mandatit të tij të dytë, por që atëherë nuk janë ndarë afate kohore të azhurnuara.
Nga projekti nuk mund të mbetej jashtë siguria dhe në hapësirë parashikohet realizimi i një teknologjie të mbrojtjes nga raketat.
Për këtë synohet përmirësimi i projektit të quajtur, Kupola e Artë: një sistem mbrojtës i shtresuar që do të mbrojë vendin nga lloje të ndryshme raketash, duke përfshirë raketat balistike, hipersonike dhe ato lundruese. Ai gjithashtu do të jetë në gjendje të mposhtë dronët dhe kërcënimet ajrore të përparuara.
Në maj, Trump njoftoi se Kupola e Artë do të kushtonte rreth 175 miliardë dollarë (mbi 150 miliardë euro) dhe mund të ndërtohej para përfundimit të mandatit të tij të dytë në vitin 2028.
Sistemi mbrojtës hapësinor që do të krijohet do të jetë në gjendje të “zbulojë, karakterizojë dhe kundërshtojë kërcënimet ndaj Shteteve të Bashkuara” nga orbita shumë e ulët e Tokës, duke përfshirë çdo armë bërthamore të vendosur në hapësirë.
Urdhri ekzekutiv i jep gjithashtu qeverisë amerikane gjashtë muaj kohë për të zbatuar një strategji të sigurisë hapësinore.
Urdhri ekzekutiv i Trump thotë se ai do të ndajë gjithashtu të paktën 50 miliardë dollarë (43.15 miliardë euro) për të krijuar një “ekonomi të gjallë hapësinore komerciale” deri në vitin 2028.
Fokusi i administratës do të jetë në krijimin e më shumë vendeve të punës me paga të larta në prodhimin e hapësirës ajrore, rritjen e numrit të testimeve të lëshimit dhe rihyrjes në hapësirë dhe reformat e politikave.
starnews.al
