Samanta Karavella bëhet nënë për herë të parë! Këngëtarja zbulon emrin e saj

Këngëtarja e njohur shqiptare, Samanta Karavella, është bërë nënë për herë të parë. Ajo ka ndarë me ndjekësit në Instagram lajmin e bukur, duke publikuar foton e parë me të voglën e saj, të cilën e ka pagëzuar me emrin Gia Rose.

“E gjithë bota në krahët e mi … Mirë se erdhe në këtë botë Gia Rose. 18/ 03/ 2025”, shkruan Samanta në postim, duke zbuluar se vogëlushja ka lindur më 18 mars.

Para këtij postimi, këngëtarja kishte ndarë me publikun shtatzëninë përmes një video, ku shfaqej përkrah partnerit të saj duke e shoqëruar me fjalet: “Ne të tre… Një kapitull i ri fillon. Mezi po pres për ty.”

Ky është një kapitull i ri dhe emocionues në jetën e artistes, e cila ka zgjedhur ta ndajë këtë përvojë të veçantë me fansat dhe ndjekësit e saj, duke marrë urime të shumta dhe dashuri në rrjete sociale.