“Rama ik”/ Kryeministri i përgjigjet qytetarit në Fushë-Krujë: Vdeksha unë për ty o hudhër, plasi syri i keq

Në takimin me qytetarët në Fushë-Krujë, gjatë fjalës së tij Kryeministri Edi Rama, hasi me një qytetar që tha “Rama ik”.

Kreu i qeverisë iu përgjigj qytetarit, duke i thënë se ai “plasi syrin e keq” dhe ndaj opozita “do ta shohë rezultatin më 11 maj”.

“E prisja këtë. Vdeksha unë për ty. O hudhër. Plasi syri i keq. Do ta shohim rezultatin më 11 maj”, tha kryeministri.

Edi Rama: Vdeksha unë për ty, rrofsh që kalove, o hudhër. Po e prisja, në Krujë desha ta dëgjoj një “Rama ik” që të plasë syri i keq. Plasi syri i keq, tani ta shikojnë më 11 maj. E tha fiks kur përmenda Kënetën, tak, doli bretkosa. Ta shikonit, kishte flokët e lagura.