Ra në kontakt me energjinë elektrike teksa rregullonte një defekt, ndërron jetë 51-vjeçari në Kamëz

Një ngjarje e rëndë ka ndodhur pasditen e kësaj të diele në Kamëz ku një 51-vjeçar ka humbur jetën tragjikisht.

Përmes një njoftimi zyrtar, Policia bën me dije se shtetasi me ininciale A.L, rreth orës 16:45, teksa ishte duke punuar për të rregulluar një defekt elektrik ka rënë në kontakt me energjinë elektrike dhe si pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të rastit.

Njoftimi i Policisë:

Kamëz/Informacion paraprak.

Rreth orës 16:45, në Valias, shtetasi A. L., rreth 51 vjeç, dyshohet se gjatë kohës që po rregullonte një defekt elektrik ka rënë në kontakt me energjinë elektrike, dhe për pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të rastit.