Qetësi te Kombëtarja Shqiptare, kuqezinjtë marrin LAJMIN E MADH para sfidës me Serbinë

Kombëtarja shqiptare është qetësuar para sfidës me Serbinë. Rey Manaj është rikthyer në stërvitje me kuqezinjtë dhe siç duket është gati për ndeshjen me Serbinë.

Gjendja gripale e këtyre ditëve e kishte lënë sulmuesin nga Lushnja jashtë grupit. Por sot është rikthyer, duke qetësuar stafin e Kombëtares, duke u stërvitur me pjesën tjetër të lojtarëve.

Në seancën e sotme stërvitore, Manaj i kreu të gjitha ushtrimet, si gjithë lojtarët e tjerë. Tashmë, 28-vjeçari është një kandidat serioz për vendin e titullarit.

Kujtojmë që Shqipëria do të përballet me Serbinë të shtunën e 7 qershorit, në kuadër të kualifikueseve të Botërorit 2026. Sfida që do të zhvillohet në stadiumin “Arena Kombëtare”, do të nisë në orën 20:45.